Autore: Livio Prima di tradurre
Cum Hannibal, adempta spe potiundae Nolae, Acerras recesisset, Marcellus extemplo clausis portis custodibusque dispositis ne quis egrederetur quaestionem in foro de iis qui clam in conloquiis hostium fuerant habuit. Supra septuaginta damnatos proditionis securi percussit bonaque eorum iussit publica populi Romani esse et summa rerum senatui tradita cum exercitu omni profectus supra Suessulam castris positis consedit. Hannibal Acerras primum ad voluntariam deditionem conatus perlicere, inde postquam obstinatos videt, urbem obsidere atque oppugnare parat. Ceterum Acerranis plus animi quam virium erat; itaque desperat tutela urbis, ut circumvallari moenia viderunt, silentio noctis dilapsi, per vias inviaque qua quemque aut consilium aut error tulit, in urbes Campaniae, quas satis certum erat non mutasse fidem, perfugerunt.
Traduzione guidata
Cum Hannibal, adempta spe potiundae Nolae, Acerras recesisset, Marcellus extemplo clausis portis custodibusque dispositis ne quis egrederetur quaestionem in foro de iis qui clam in conloquiis hostium fuerant habuit.
Dopo che Annibale, avendo perso la speranza di prendere di Nola, si fu ritirato ad Acerra, Marcello…